東網電視
更多新聞短片
張嘉倪保養心得係要同太陽「絕交」。
有「最美妃子」之稱嘅內地女星張嘉倪，喺內地劇《千古玦塵》中擔任女配角，網民指佢嘅造型比女主角周冬雨嘅古裝造型更靚而成為熱話。34歲嘅張嘉倪分享保養心得，佢話首先要同太陽「絕交」，所以每當烈日當空下都會變蒙面人，佢唔係吹水㗎，仲喺社交網做畀大家睇，佢戴住個「防曬面罩」包到冚，雖然好怪相，笠上頭後只會露出眼睛，口同鼻，不過呢個套絕對唔會令你「愛靚唔愛命」，因為嗰啲五官位係有透氣設計，所以套成日都唔會焗死。
佢真係包到冚出街！
佢仲會用「早C晚A油敷法」！
世上「只有懶嘅女人，冇醜嘅女人」！
「早C晚A油敷法」
除咗要決心同女人天敵紫外線誓不兩立外，仲要記得效法內地視后孫儷養成經常「泡腳」嘅習慣，平時護膚就要謹記「早C晚A油敷法」，即係早上搽維生素C膠囊、晚上就搽維生素A膠囊，要趁滿臉油時，配刮痧板拉提或手技按摩，做足20分鐘，咁就可以做抗氧化、保青春，雖然聽落都好麻煩，但所謂世上「只有懶嘅女人，冇醜嘅女人」，如果想好似張嘉倪又白又滑，靚到犯規，就一定跟佢做足護膚大法啦！
佢喺劇集《千古玦塵》嘅造型。
比起女主角周冬雨個造型仲搶鏡
周冬雨
