港姐起底︱混血Jasmin邵初熱情奔放　梁菁琳獸醫系學霸

《2021香港小姐競選》今日（5日）28位入圍佳麗正式見人，除咗話題王「爆粗Chloe」外，其他佳麗私底下都一樣咁有睇頭。當中早前於港鐵中熟睡、被指似陳展鵬嘅中德混血兒施茉莉（Jasmin），其實女人味十足，「鬼妹仔」嘅佢社交網不乏陽光水着相，不時大晒修長身材，見佢經常孖住男男女女出海開船P，兼攬頭攬頸，非常熱情奔放。

另外，中越混血兒邵初（Kristy）經常周遊列國，曾到訪法國、英國、阿聯酋等地，並曾於家鄉越南「大解放」，罕有晒水着，以黑色一件頭泳衣上陣，晒出成吋長事業線，相當吸睛，身材有料之餘，原來佢更於著名嘅英國杜倫大學畢業，學歷一樣咁出眾。

同樣有學歷嘅仲有梁菁琳（Katerina），佢於澳洲悉尼大學就讀獸醫系，並以一級榮譽畢業，絕對係「學霸港姐」。