鍾柔美《狂野之城》吐氣揚眉　全靠泳兒加持！

日前播出的無綫歌唱比賽《聲夢傳奇》，有「翻版鍾嘉欣」之稱的14歲學員鍾柔美（Yumi）在節目中跳唱郭富城的《狂野之城》片段，事隔幾日，於網上頻道已突破60萬點擊，且更成為熱爆影片第1位。片段中，身為Yumi導師的泳兒（Vincy）哭成淚人，喊到妝都溶埋的Vincy如此激動，全因很想為Yumi大平反，她說：「因為啲人成日淨係覺得Yumi跳舞叻，但對佢唱歌爭有啲質疑，我好想幫佢平反，唔係淨係可以跳，唱歌都可以。所以今次我特別着重教佢唱歌演繹同眼神。」

擅長跳舞的Yumi在舞蹈上沒有遇上太大難題，不過唱歌方面，確實要下點苦功：「比賽前我自己跳舞唔係太叻，不過如果要唱快歌時，其實可以透過跳唱時嘅肢體去幫助唱歌，咁樣可以唱得穩啲同埋人歌合一！」現場所見，Vincy幾乎是逐句逐句地指導Yumi，更於每句都畫上標示，而Yumi亦聽得非常用心。

表演過後，除了得到導師們的認可，一眾網民亦冇彈有讚，當中更謂不知Vincy在背後付出多少努力、有些更說Vincy是Yumi的伯樂，有Vincy唱歌的影子，這集Yumi出色的表現Vincy應記一功，難怪她喊到豬頭呢！