姚焯菲《聲夢》歌衫特別貴？鍾柔美視蔡依林為目標

憑《聲夢傳奇》人氣急升的姚焯菲（Chantel）與鍾柔美（Yumi）出席商場活動，其中有「國民初戀」之稱的Chantel獲型爆爸爸到場支持。講到決賽將近，Chantel坦言心情興奮亦有少少緊張：「始終係最後一次喺《聲夢》舞台，好想有最精彩嘅表演，所以有啲壓力。」Yumi表示沒有大壓力：「因為依家行到呢步，我已經係好滿足，想做最好嘅一次畀大家睇，會盡力就得。」講到Yumi被網民封為「港版蔡依林」，她說：「我真係好開心，冇諗過。（人哋唱得好會有壓力？）會向佢為學習目標，亦希望有番自己風格。」

提到Chantel的歌衫被指特別貴，她說：「大家都係公平嘅，冇話邊個特別貴，我有公司衫亦有自己衫，覺得靚先着，唔係全部貴。」至於《聲夢》大熱門炎明熹是非纏身，會否對她們奪冠會更有優勢？Chantel說：「唔覺，公司都係公平，唔會特別偏心。」Yumi說：「順其自然，都係睇大家鍾唔鍾意啲表演。」