東網電視
更多新聞短片
天王黎明（Leon）尋晚（10日）開騷，嚟緊仲有8場騷見人，曾邀請天王上自己個唱嘅天后容祖兒都想去睇，可惜佢就有工開去唔到現場睇，不過人唔到心到，佢喺演唱會同Leon隔空合作，透過短片為佢首場Show拉開序幕。
今日（11日）就喺社交網上載自己同Leon嘅合照，仲留言幫手宣傳：「雖然人不在，但我的精神是絕對不能離開的！所以我趁機打聽偶像，我能為他做些甚麼，結果是……?????????希望大家這9個能在晚上看到黎明的夜晚也不要忘記我的靈魂，也和大家一起尖叫歡呼！GOOD SHOW LEON！想聽的歌太多，但更期待金句登場！」更Hashtag「#iloveu你會否聽見嗎」示愛。
唔少粉絲都好想見到天王天后可以再次世紀合作，見到佢咁想親自睇，係咁留言集氣，幫佢向經理人Mani爭取尾場飛，非常有心。
2019年，黎明擔任容祖兒演唱會嘉賓。
黎明今次個騷，祖兒遺憾冇得出席。
不過佢之前拍定片，為黎明個唱拉開序幕。
網友集氣幫佢向Mani爭取睇尾場。
