東網電視
更多新聞短片
歌手林家謙貴為人氣唱作人，近年橫掃樂壇頒獎禮多個獎項，有唔少歌手都爭住向佢邀歌，簡直係光芒四射！但其實私下嘅佢一向行低調路線、打扮又樸素，如果喺條街度撞到佢嘅話，唔講都絕對認唔出係佢，而日前佢喺社交網Post咗張相，自爆喺服裝店Shopping嘅時候鬧出「白撞」笑話！
事緣見佢拎住個購物籃係咁掃貨，不過就留言話︰「3度被認錯職員問嘢，最後一位女仕問我男裝底褲喺邊，我決定帶佢去！」完全凸顯到佢貼地得嚟、又冇架子，成件事都真係令人笑爆嘴！唔知當嗰名女仕知道係由家謙帶佢搵男裝底褲，會唔會突然覺得好榮幸呢？
雖然林家謙近年橫掃樂壇頒獎禮多個獎項。
不過佢份人依舊低調。
所以先會連續3次被誤當係職員。
林家謙帶女仕去搵底褲夠晒貼地。
