東網電視
更多新聞短片
影帝張家輝係圈中公認嘅愛妻號，同關詠荷結婚18年，人前人後都咁恩愛。而家輝投資有道，去年以5,800萬元，出售跑馬地逸廬高層單位，持貨11年，帳面勁賺2,877萬元，物業升值近一倍。不過佢有錢唔代表身痕，家輝係圈中少有緋聞絕緣體，就算有女埋身都即刻彈開！
家輝向來都係愛妻號，錫晒太太關詠荷！
張家輝貴為影帝，但佢非常自律，從來冇女埋到佢身。
搭飛機最易發生空中情緣，家輝咁受歡迎，大把乘客同空姐爭住同佢影相，近日有名巨胸空姐就喺社交網晒出同家輝喺機艙嘅合照，並留言：「感謝遇見。渣渣輝～」張相流出後，即時引起網民熱議，只見相中家輝右邊膊頭雖然貼近空姐，但為免引起不必要嘅誤會，佢將右手縮喺後面，成個人仲硬晒軚，面對美女不為所動之餘，明顯是為免相片被大造文章，所以才刻意把右手放在身後。
睇吓家輝隻右手，完美避開不必要嘅誤會。
唔少網民睇完張相都留言，大讚家輝係君子同埋絕世好男人：「你看他的右手！一個動作，就能看出他的涵養和成功的原因！為甚麼他的右手會適當的避開女孩子，而不是親暱狀！」
兩公婆幾時都咁恩愛。
阿女同家輝餅印一樣。
