「雙面人」周柏豪展現陰暗面 連詩雅被姦大挑戰

2021年07月22日 00:01
東網電視
更多新聞短片
藝人周柏豪、連詩雅及王敏奕為無綫懸疑新劇《旁觀者》拍攝,柏豪飾演Cafe老闆,當日於他劇中的Cafe取景,他表示角色是一名好人,但性格上有陰暗面,會為了幫人而大開殺戒。他說:「其實唔可以話係殺手,因為我唔係為錢,角色上我童年曾被父母逼做好多唔好嘅嘢,所以長大後儆惡懲奸,而另一方面好多人都鍾意我,因為我對人好,經常帶畀人歡樂。」談到《聲夢傳奇》學員將於8月舉行演唱會,身為導師的他坦言已度期出席,並說:「佢哋已經獨當一面、有Fans,好幸福!一個比賽可以改變小朋友嘅一生,當年我都係媽咪畀我彈琴,先行到呢條路。」
連詩雅於劇中飾演一名社工,但為了得到錢財助人,而專向有錢人埋身,不惜犧牲色相,她透露將要拍攝一場被強姦的戲:「劇中發生好多事,我會患上抑鬱同酗酒,都幾有挑戰性。」她表示剛拍完另一劇集《黑金風暴》,劇中飾演女警,動作戲不少,早前曾到深圳取景拍攝,幸當時疫情不嚴重,否則都趕不及返港拍《旁》劇。
王敏奕讚劇本浪漫
至於王敏奕表示劇中與柏豪有感情線,又讚劇本寫得好,是入行以來收過最浪漫的劇本。她指角色很特別,是高敏感族的女警:「我會好容易會感應同發現到啲嘢,幫助查案,但令我無法正常生活。」