翻唱姜濤《蒙着嘴說愛你》　倪辰開騷激動落淚

歌手倪辰（Lala）舉行首個個人騷「Music in Lalaland音樂會」，演繹了近20首不同類型歌曲，當中有她出道以來推出的個人單曲及首次親自作曲最新作品《無床共枕》外，還有獻唱姜濤的《蒙着嘴說愛你》、林家謙《隔離》及Serrini《旋轉with me》外，演繹已故偶像黃鴻升（小鬼）的歌曲《地球上最浪漫的一首歌》時更是激動落淚。

她亦邀請本地樂隊RF2 Band擔任表演嘉賓，信心十足說：「因為佢哋每個嘅音樂造詣都相當高，除咗彈得之前亦好唱得，所以將整個音樂會嘅靈魂部分（樂隊）交畀佢哋負責非常合適，亦好多謝佢哋為大家帶來咁精彩嘅演出。」

音樂會圓滿舉行，她稱已圓了心願，但覺得不是自己功勞：「今次個唱嘅準備時間有少少緊逼，最近兩個幾月都一直練歌、keep fit同籌備今次個唱，雖然有啲疲倦，但好彩有我嘅演唱會團隊一直鼓勵我，畀咗好多Idea我，又非常落力幫我安排宣傳工作、歌曲改編及排練，所以最大功勞係佢哋至真。」