問張家朗食過乜嘢?陳約臨堅稱冇問題:問得細膩啲

2021年07月26日 21:01
東網電視
更多新聞短片
代表無綫飛往日本東京採訪奧運的奧運節目主持之一陳約臨(Kelly),全程緊貼直擊香港「劍神」張家朗摘下香港史上首面奧運劍擊金牌的歷史性一刻。在張家朗奪金前,Kelly已多次拍片出post,大讚對方靚仔,當知道對方奪金牌,即狂跑衝去訪問位置,她邊跑邊大叫:「Oh my god!」當張家朗被大班記者包圍訪問得獎心情時,可能Kelly太興奮,其訪問時的表現被網民狂斥不尊重場合及張家朗!
大叫「好鍾意你」張家朗滴汗!
在訪問開始,Kelly主動出撃:「你係香港人嘅驕傲,有咩想同香港人講?所有人睇住你做Live,我我我...我真係好鍾意你,點算呀?」張家朗表現愕然,但仍保持鎮定說多謝大家,並分享奪金心情:「我完全唔敢相信,一直打得唔係咁好,有好多高低起伏,諗住打好第一場先,個個都係奧運冠軍、世界冠軍,我自己唔係啲咩,所以放開打......」
此時Kelly插口:「你點樣做到?由今日8點打到而家,中間做過啲乜,食過啲乜?陣間想做啲乜?」其他記者開始插口發問,明顯是爭取機會,不想Kelly獨霸發問時間,當張家朗回答其他記者問題,如要多謝家人時,Kelly插口:「可唔可以喺度做緊直播時,同屋企人講聲多謝?」此時不單有不少記者大笑,張家朗更一邊抹汗一邊婉拒:「吓!好尷尬喎!唔得!唔得!」但Kelly竟說:「我直情喺觀眾席要喊!」
高八度「我畀個飛吻你!」
此時有男記者說香港很多商場直播賽事,又反問張家朗賽後會做什麼時,Kelly又插口:「我要改口叫你做金家朗!」張家朗尷尬的說:「唔好呀!唔好呀!」Kelly繼續以「高八度」的音調並滔滔不絕的說:「唔得呀!唔得呀!你真係香港人嘅驕傲,我真係好proud of you!頭先做live時問香港市民想對你做啲咩,佢哋叫我畀個飛吻你,但因為有social distancing(社交距離),哈哈!」張家朗繼續保持禮貎說多謝,完全不知所措!而Kelly繼續說:「頭先商場逼爆晒人,就係睇你嗰刻...就係睇你嗰刻表現,每一分都打得好穩定...」其他記者見她口窒窒,又問不到重點,惟有插口問比賽時的策略。
網民食字反寸:「臨」時合「約」記者
網民喺討論區洗版式狂批,指Kelly把聲「好煩」、問題冇質素,有佢講冇人講,又鬧佢「完全冇職業操守」,以為自己做緊《東張西望》之餘,就算係粉絲,都要識得分場合。網民留言:「知唔知咩叫歷史性時刻?張家朗千辛萬苦創造出嚟,你就摧毀!」、「話好鍾意人,叫人點答?你結婚時,有人同你講好鍾意你,你點答?」「依家張家朗贏定你贏?」、「你咁X感動企埋一邊喊啦!」、「成日打斷張家朗講嘢,問題低質!」、「係咁尖叫!想點?」、「人如其名,特『約』‧『臨』記一名!」、「『臨』時合『約』記者」之後Kelly被起底曾在香港珠海學院就讀新聞與傳播學系,早年曾為母校拍攝一段分享訪問技巧的短片,網友指她教壞人!
陳約臨:會堅持咁問
身在日本東京的Kelly接受東網訪問,她說:「我唔覺得我問嘅問題唔專業,因為我知張家朗比賽咗12小時,除咗問佢得獎心情外,我覺得佢食過咩食物嚟保持體力呢個問題都好重要,我只係想問得細膩啲,其實我喺2017年都已經做體育節目主持,嗰時已經好留意張家朗,到呢一刻為止,我都會堅持咁問,呢個問題都具重要性嘅。」