【豐乳飄搖】陳懿德減16磅變咪神 關楓馨水滴胸迎戰

20210731
東網電視
更多新聞短片
本屆港姐選舉以真人騷《We Miss Hong Kong STAY-cation晉級賽》進行,28名入圍佳麗早前參與為期10天的「Stay Battle」,今晚(31日)正式公布20強入圍名單,繼早前有4人被淘汰後,再有4名佳麗包括姜嘉琳、陳詩帆、盧淑儀及馬嘉希出局。眾佳麗以泳衣Look見傳媒,現場「豐乳飄搖」,更隨即誕生多位「港姐咪神」,當中以陳懿德的「枕頭胸」最「胸猛」,至於陳聖瑜的「蜜桃胸」及關楓馨的「水滴胸」,一樣令吸睛度爆燈!
身為兩大熱門的陳聖瑜(Yvette)和關楓馨(Fabienne),身材可謂不相伯仲,同樣有睇頭,對於一直被視為大熱,Yvette直言開心,問到如何保持唔跌Watt?她說:「你覺得有冇跌Watt?我唔知乜嘢係跌Watt,不過連日嚟拍攝令我晒黑咗,可能白番少少會好啲,要食多啲維化命C內服嘅supplement(補充品)。」她說冇預計自己會入20強,因為經歷過淘汰賽,看到其他佳麗的表現,覺得自己可以做得更好,賣關子說:「遲啲睇節目就會睇到,喺泳池度有啲環節自己覺得做得幾好。」
而Fabienne亦同樣表示冇預計能夠進身20強,感覺好開心,她說爸爸關禮傑每次都叫她要好好表現自己:「爸爸都好開心,冇畀壓力,次次叫我做到最好就唔會後悔,不過覺得自己要有進步空間。(有邊方面要改善?)上台答問題有時緊張,要放鬆啲,跳舞方面都要進步,返屋企都要練,將之前學過嘅嘢多啲練習。(全場邊個女仔身材最好?)個個都好,自己都要努力啲,做多啲運動。」
陳懿德身材最好
而全場最好身材、挾着「枕頭胸」上陣的陳懿德(Rachel)成功進身20強,覺得佳麗各有各靚,否認「做手腳」谷胸,問到會否覺得有着泳衣的優勢?她說:「覺得有佳麗腹肌練得好勁,反而自己冇腹肌,只係減咗個肚腩仔,不過都滿意自己身形,由6月到依家已經減咗16磅,暫時都開心、滿意,不過覺得再需要努力,心態最緊要,(覺得因為身材好,所以躋身20強?)都唔係,評審睇唔同嘢,美德、智慧和品德,覺得堅毅都好重要,入camp時,好多時工作人員都安排飯盒畀我哋,不過我自己要Keep Fit,就帶飯煲烚雞胸及雞蛋,要多啲時間休息,我都食得好堅毅㗎!」
身為本屆港姐項目統籌顧問的鍾子綸受訪時表示:「今日係公布20強名單,同埋會喺度拍攝泳裝場面,其實之前已講明Staycation有淘汰嘅元素,拍完之後,個淘汰過程已經做咗。」講到較早時候被淘汰的4位佳麗名單已外洩,她強調:「總之我依家係正式公布。(名單外洩係咪內部員工所為?)呢方面詳情冇乜資料,我冇喺其他平台公布過20強。」