東網電視
更多新聞短片
藝人鄭希怡（Yumiko）熱愛運動，佢最近去咗學踩滑板湊奧運熱，呢日佢同埋徐濠縈（阿徐）去室內場地練習，佢哋戴上帽子一身板仔Look上陣，仲一齊拎住塊滑板鬥Chok，氣勢十足！Yumiko留言：「試吓落場先！」仲晒咗條練習踩板落斜嘅片，話第一次練習落斜，睇到佢捉實男仔隻手行，但係落斜嗰陣都係失咗平衡，成個人飛起凌空撻落地，佢塊板仲差啲撞到企喺前面拎住外賣嗰位朋友，佢都話好彩冇傷及無辜。雖然失敗咗，但係佢冇氣餒，鼓勵自己失敗乃成功之母，仲話依家上咗第二堂課，就以經感受到滑板嘅樂趣。
鄭希怡最近學踩板！
鄭希怡同徐濠縈鬥Chok！
網民除咗留言關心佢有冇受傷，同佢加油，大讚佢精神可嘉之外，仲有網友就講笑話：「最好笑唔係你跌倒，最好笑嘅係阿徐把聲同埋揸住外賣嗰位朋友嘅反應。」因為條片係阿除幫手拍攝嘅，喺Yumiko跌低嗰陣，阿徐同埋拎住外賣嗰位朋友都嚇親大嗌，兩個人仲疊晒聲添，認真搞笑！
鄭希怡第一次練習落斜！
失咗平衡！
凌空撻落地，仲差啲傷及無辜！
