鍾雨璇扮MIRROR「老婆」　《造星III》羅浩晉被叫收皮

社交網上嘅「我老婆嫁左（咗）比（畀）Mirror導致婚姻破裂關注組」早前成為熱話，有見及此，歌手鍾雨璇就同曾參加過《全民造星III》嘅羅浩晉（Ken）一齊拍咗條相關嘅短片放上網，片中佢哋就飾演兩夫妻，Ken大吐苦水話同老婆之間唔止多咗1個人，係多咗12個人，跟住又話鍾雨璇將Mirror啲相貼滿全屋每個角落又買晒佢哋代言嘅產品，仲要佢Gel中分頭同大熱天時着大褸扮Mirror，最搞笑係佢自嘲：「佢哋係《全民造星》，我夠係《全民造星》！」跟住鍾雨璇神回一句：「收皮啦！」又用太太角度講自己嘅觀點，之後佢好Sweet咁講分得好清楚只係當佢哋係偶像，老公先係老公，不過問如果畀佢揀多次會揀老公定姜濤，佢秒回：「姜濤！」果然…好誠實。