港姐2021︱考驗急才同創意！陳聖瑜王嫿嫿成雙冠軍

《2021香港小姐競選》之「現場觀眾至Like佳麗」活動今日（14日）舉行，20位候選佳麗分組接受考驗急才及創意，最終由陳聖瑜（Yvette）及王嫿嫿（Anna）成為雙冠軍。宣布一刻Anna更眼有淚光，非常感動，事後跟Yvette一齊受訪，她感到很驚喜說：「因為見到個獎個名，唔知道大家鍾意我，呢樣好緊要，之前師姐劉倩婷喺Staycation期間，送咗個桃花擺設畀我哋，好有用。」Yvette表示與幾位佳麗畫畫主題相同，沒想到自己有份得獎：「好多謝觀眾們，感受到個氣氛好好。」二人更指今次獎項對稍後對爭取進入Semi-final信心大增。

對於同場師姐謝嘉怡建議她們要有個人獨特之處，Yvette說：「呢方面我會喺問答環節展現出嚟嘅。」嫿嫿就指屆時會盡情表現自己，問到她可有特點？她說：「表情多，講嘢好認真。（廣東話需唔需要更進步？）永遠都需要。」