港姐︱陳聖瑜自信十足　梁凱晴怕咗跳舞

《2021香港小姐競選》一班佳麗今日（19日）會晤大會評判，大熱佳麗、有「豪放版方媛」之稱的陳聖瑜（Yvette）及梁凱晴（Carina），在見評判前一同受訪時，講到今日密實上陣較為輸蝕，她們表示衣服是自己挑選，想呈現斯文大方的形象，見評判要尊重場合。問到見評判可有緊張？Yvette表示：「都冇，會淡定平常心。」Carina表示：「少少緊張，希望會自然面對評判。」

講到她們同屬大熱，可會怕大熱倒灶？Carina表示：「唔會，最緊要對自己有信心。」Yvette亦謂：「我哋同組，我哋每日都有練習，我覺得我哋應該會安全。」Carina就謂對表演跳舞較為擔心：「因為好少時間練，我哋隊員Cathy（王嘉慧）又受傷，都有少少擔心。（但少咗對手？）唔可以咁講，係teamwork，睇整體效果靚。」