陳曉華《七公主》被讚演技有進步　連黐脷筋都冇埋

陳曉華（Hera）於無綫劇《七公主》中，甫出場不久便自殺身亡，引起網民猜她是否「七公主」之一的謎，有人覺得她出場集數少應不是公主，亦有人指監製陳維冠擅於搞怪，覺得事情冇咁簡單，有人更「柯南」上身：「片尾佢成個黑衣人咁同翠如對話，一定未死！可能黑化咗。」對於網民疑問，陳維冠笑言：「佢的確係會再出場，回歸方式仲好特別！」

Hera演戲經驗尚淺，但由於演得自然，樣子討好，更有網民留意到她黐脷筋情況有改善，值得畀機會給她：「演技進步咗，對佢改觀。」、「黐脷筋冇晒，畀10個Likes。」對於網民正評，曉華大感驚喜，並謂會繼續努力做到更好：「知道自己咬字唔理想，所以有搵老師指導同練習，包括咬木塞以及唔同類型嘅肌肉訓練。」她透露為《七公主》連續拍攝了3日喊戲，對自己來說是大挑戰：「第一次應付長時間喊戲，擔心喊到冇晒眼淚，所以嗰3日我有飲多啲水，確保有足夠淚水。」她又大讚監製指導足夠兼指示清晰。