港姐準決賽︱關禮傑撐愛女靠自己：佢仲叻過我啦！

藝人關禮傑的女兒關楓馨今日（22日）出戰港姐準決賽，而他會親自上台為愛女彈鋼琴伴奏，他坦言緊張：「其實呢Part有意思嘅，就好似自己帶個人出場咁，個女獨立喇！外面啲人成日話佢靠爸爸，其實佢仲叻過我啦！（有你出場都好似幫手拉票咁！）如果係得嘅話我上年就係視帝，唔係王浩信啦！佢都係靠自己，讀書又叻，談吐又好好。」

問是否對女兒進入決賽有否信心？他表示要看女兒自己的表現。說到外界都看好她，他說：「佢都唔係大熱，佢都有啲壓力，但我都係叫佢做好自己就得。」問太太會否上台？他說：「唔會，如果成家都上台咪好似打茅波咁！」