郭奕芯晒火辣內衣透半球　獲網民封做女王！

擁有33C豐滿身材嘅郭奕芯（Ashina），最近經常亮相ViuTV節目，除咗擔任《晚吹 - 戀講嘢》主持，早前又為節目《七救星》任嘉賓，獲玄學家七仙羽「打救」爛桃花，佢仲話會拜埋七仙羽為師添！不時都會喺社交網騷Boby派福利嘅佢，尋日（26日）大晒着上黑色透視內衣嘅性感相，透出東西半球，惹人無限幻想，連佢嘅好姊妹沈殷怡、廖子妤、簡淑兒等都睇到心心眼！<br/><br/>而網民當然都睇到嘩嘩聲，有網民留言「睇到流晒鼻血，我係女仔都想掂！」，仲有網友搞笑話佢係七仙羽徒弟「八鮮乳」，而有網友就被佢完全俘虜，封佢做女王：「我已經答應成為Ashina女王的傀儡和奴僕！」但係就網友就話唔夠喉，想佢再晒多幾張性感相畀大家睇，唔知佢會唔會答應網友嘅要求呢？<br/><br/>