李佳芯再着婚紗隨時Ready閃婚　諗定婚禮要咁搞？

視后李佳芯（Ali）身穿白裙出席婚紗展，講到她與前男友陳炳銓分手因對結婚步伐不一致，問到她來到婚紗展可有觸景傷情？她笑言：「點解呀？大家心目中我咁恨嫁嘅咩？反而諗番起3、4年前嚟呢度行catwalk。」她坦言不恨着婚紗，因為工作已穿得太多次，已經沒有一生人只穿一次婚紗的感覺。問到將來結婚想要什麼形式？她坦言：「冇諗，都冇限制一定要點，旅行結婚都幾開心嘅，覺得對象啱嘅就可以隨時ready。（可以閃婚？）都唔出奇，如果大家行到一個位，唔會拘泥於咩形式，但老人家可能都鍾意擺酒。（你依家想唔想結婚？）有對象先啦，依家冇對象。」

問到當時想結婚但結唔成，搞到分手可是可惜？她坦言：「過咗啦，唔會再諗，又唔係有一段感情去到一齊睇婚紗，所以就冇觸景傷情，太誇張啦。」她續謂：「每次拍拖都會想行落去，始終都多年感情，亦都有傾嘅，但就唔係去到話諗擺酒嗰啲，我哋未去到談婚論嫁階段。」