拍戲結良緣！「尚氣妹」張夢兒自爆嫁動作設計師

漫威首部華人擔正的超級英雄電影《尚氣與十環幫傳奇》（Shang-Chi and the Legend of the Ten Rings）將於後日在港率先上映，而在片中飾演「尚氣妹妹」的中國女星張夢兒自爆因為拍攝《尚》而成為人妻！

她因為拍攝《尚》而與擔任片中動作設計的亞裔電影人Yung Lee撻着並於影片拍攝期間結婚。近日她受訪時說：「我獲角色時係單身，拍完之後已婚。我因拍攝呢套戲而認識我老公。而Yung，佢係呢套戲其中一個動作設計師。」

而她更爆阿哥「尚氣」劉思慕（Simu）於她們婚後邀請她們去迪士尼樂園慶祝！她說：「我哋為個婚禮冇任何準備，但工作人員搞咗個大型派對慶祝。而Simu帶咗我哋去迪士尼樂園，Awkwafina就訂咗個場地搞大型卡拉OK派對。大家都唱歌，搞到第二朝失聲。真係好開心。就好似同我家人一齊。你知嘛？佢哋就係我嘅家人。」