陳曉華用生酮減肥法出事？丁子朗唔夠瞓肝臟出問題

前港姐陳曉華、丁子朗、何廣沛、麥美恩在將軍澳電視城為新節目《醫醫，我不想再病了》擔任嘉賓，丁子朗早前肝臟出現問題，現在已經康復，他們指當時因為睡眠不足所致，現在身體相當健康。未入行前任職護士的陳曉華，自言有不少健康心得分享：「之前用生酮減肥方法，戒晒澱粉質，但係身體就好疲倦，好似成日唔夠瞓咁，依家正常飲食，雖然肥番少少，但精神就好好多。」

港姐心水佳麗

講到星期日（12日）舉行的港姐決賽，問到有份擔任司儀的丁子朗可會很大壓力？他說：「唔會，上次有大師兄錢嘉樂，今次就有嘟姐（鄭裕玲），有咩唔掂交畀嘟姐就得，佢唔會錯。」講到心水佳麗，陳曉華與丁子朗不約而同睇好15號梁凱晴奪后冠，陳曉華大讚師妹笑容甜美。而丁子朗則笑言工作人員很喜歡18號莫韻諰，覺得她外形令人充滿幻想。

講到張學友擔任決賽表演嘉賓，丁子朗說：「好期待，未見過一廠有咁大型嘅場景，亦都唔擔心打風，因為有後備嘅措施，嗰日一次過打兩個風，證明係好好日。」