東網電視
更多新聞短片
天后容祖兒與同門好姊妹蔡卓妍（阿Sa）近年常到內地吸金，兩女不時相約出去Gathering，享受閨蜜時光。唔知係咪離開香港，心情零舍放鬆，就算喺街上玩得放都唔怕被人影！
呢日兩個現身上海人民廣場，喺街上又攬又抱，祖兒仲化身「大力祖」抱住阿Sa狂轉，成個大細路咁，童心未泯。祖兒將短片放到社交網與眾同樂，留言謂：「I believe u can fly！」阿Sa亦有分享短片，並搞笑留言：「昨晚『暈』都『頭』埋，轉咗10個圈。」字都打錯晒，睇嚟真係好暈！唔少網民話好鍾意「阿傻與煮鵝」呢個組合，仲問兩位嘅偶像包袱去咗邊，認真搞笑。
「大力祖」抱住阿Sa轉足10個圈！
兩女成個大細路咁。
阿Sa搞笑話被轉到「暈都頭埋」。
網民話好鍾意「阿傻與煮鵝」呢個組合。
喂～偶包去咗邊？
