阿女落選關禮傑急離場　輸家關楓馨有嘢講...

關禮傑女兒關楓馨於港姐決賽大熱倒灶，只能躋身五強，三甲不入，事後她受訪時表示沒有失望，去到最後五強已相當滿足，自評口才不好，問答環節都出現口窒情況，輸得心服口服。問她覺得冠軍宋宛穎是否實至名歸時，她謂：「係呀！佢好多嘢都好叻，跳舞又叻、口才又叻，又靚又高身材又好，好難唔係佢攞冠軍。」講到父親關禮傑很快離場，她是否很失望，她說：「唔會，佢見到我表現唔會失望嘅，個個都要走㗎啦！佢返屋企準備慶功宴畀我啫！（會否入行？)有機會都想試吓！」

至於另一大熱，被指有富爸爸的王嘉慧亦三甲不入，受訪時亦表示對賽果沒失望：「自己表現唔錯，都滿意，入到五強已經好開心。（本身你係大熱，覺得自己有咩輸蝕？）可能初頭跳舞有啲緊張，後來先慢慢pick up番，對成晚表現都滿意。（有冇興趣入行？）有機會都想試吓做演員，參選後對做主持有興趣。（爸爸之前唔太支持你參選，會唔會反對你入行？）爸爸冇嚟現場，但有喺屋企睇，相信佢睇到我表現會支持，同埋佢會支持我鍾意做嘅嘢。」