麥雅緻誕下三仔「小蛋黃」　張頴康發文感謝老婆

無綫藝人張頴康同老婆麥雅緻育有一對仔女，5月宣布懷有第3胎，一家四口期待小生命來臨。今日（24號）B仔終於出世，張頴康於社交網報喜，並改乳名為「小蛋黃」：「『母子平安』小蛋黃出咗世喇！又一次辛苦老婆！多謝老婆！我愛你，所有粗重嘢等我嚟頂！」<br/><br/>上月，麥雅緻特意去影大肚相留影，佢着上黑色Tube Dress，巨肚籮咁大，而上圍谷奶明顯升Cup，身材相當養眼。佢仲同囡囡披母女裝白色婚紗，仙氣十足，孖住老公、仔女齊齊影全家福，幸福滿載，溫馨非常。麥雅緻留言：「分享一下我們上個月拍攝的孕照，由我們倆，變一家三口，四口之家，即將迎來五星戰隊，加埋婆婆一起六神合體，無論怎樣，我們的心緊扣在一起！」<br/><br/><br/><br/><br/><br/>張頴康接受東網訪問，對於再做爸爸感到好開心，但亦肉赤太太生B之苦，佢話：「因為太太第3次開刀，所以真係好肉痛，要好好睇住老婆。（BB出世幾多磅？）7磅幾。」講到BB似邊個？佢就話：「好得意，出世似小豆（大女），其實3個小朋友出世時個樣都好似，大個先會慢慢轉變。」張頴康仲話第一眼見到小蛋黃即覺得佢好乖巧：「佢一出世只係喊咗幾聲，跟住就瞓覺，感覺好乖，同埋好歎。」為咗好好照顧老婆，張頴康已請假陪太太坐月，之後先再開工。