好過佢老婆︱譚詠麟張家界餵李克勤食臘肉

「校長」譚詠麟（阿倫）向來識飲識食，身為佢「左麟右李」嘅好拍檔李克勤自然有口福，成日帶克勤食好嘢。近日喺內地完成隔離嘅阿倫，原來已出發到湖南張家界，同克勤來個「左麟右李」吃播。

阿倫尋日（29日）與克勤、許茹芸、林志炫、郁可唯等歌手，出席喺張家界武陵源水繞四門景區舉辦嘅直播活動，席間阿倫更為克勤做咗一件克勤老婆先會做嘅事。咪心邪，其實阿倫只係餵克勤食嘢啫，只見阿倫喺台上拎起筷子，將一大舊當地著名美食臘肉餵入克勤口中，係就肥咗啲，不過克勤真係食得幾滋味。」

阿倫喺社交網Post活動照，並留言：「山水之韻，天人合一。這幾日我已充分領略了張家界的好風光，更願邀諸位一同欣賞！今天網友說看#左麟右李張家界吃播# 很過癮，我覺得還可以吃更多美食的～」。