歌手夢緣分未到︱王敏奕劇接劇恨攞視后:係好大榮耀

20210930
東網電視
更多新聞短片
藝人王敏奕(Venus)主演的無綫劇《把關者們》正在熱播,飾演性格硬淨、只求功績的海關監督「溫芷祺」,角色不懂與人相處,與現實中溫柔的她有很大反差。Venus坦言開拍初期,緊張得每晚睡覺每隔2小時就札醒,沒自信演好鬧人的戲分,有趣的是每當穿上制服,感覺就像Madam上身:「第一次圍讀,Moon(劉佩玥)就話我好奇怪,冇聽過我講嘢冇尾音,好硬。我拍第一集已經嚇親一個演員,佢話如果上司係咁嘅人,佢會唔做!」她自知聲線柔弱,故拍攝運用丹田氣添氣場,又自言在媽媽眼中性格堅強:「媽咪話睇到我有角色性格,我就係溫芷祺!」而家中兩個弟弟亦感受到她的強勢。
由《香港愛情故事》、《刑偵日記》、《把關者們》到《旁觀者》,緊接再開拍《法證先鋒V》以及另一部新劇,問她是否恨做視后?她直言:「有梗係好!唔會有人唔想攞獎,係好大、好大榮耀。」續言以往拍電影的目標是奪金像獎,但又覺得好演員不一定要用獎項證明自己:「大家覺得我係專業好演員,已經好滿足同感動。」她相信劇有劇命,正如《刑》劇叫好不叫座,做演員只能享受拍攝過程,收視則交給命運安排。
Venus去年簽約做星夢歌手後,歌手夢停滯不前,她覺得也是一種緣分:「正如我冇諗過會簽約做歌手,音樂部分努力中,隨時準備好。依家有好角色唔可以擺低,因為角色唔會等你。」
Hair:Ken Hui @ii Alchemy
Makeup:Henry Li
Location:Pier 1929