東網電視
更多新聞短片
內地廣電局整頓娛樂圈風氣，先後多次發布針對劣迹藝人嘅限制令，坊間亦盛傳有一份官方「劣迹藝人名單」，近日就有一張疑似係由官方部門公布嘅25位劣迹藝人名單，以「全渠道封殺問題藝人」為題，分政治問題、違法亂紀、失德失範等3部分，當中就包括21男4女，好似作品被下架嘅趙薇，就被歸為「政治問題」類，且位於懲處榜首！
趙薇被歸為「政治問題」類，仲要係懲處榜首？
鄭爽被批係「違法亂紀」。
不過名單未有獲證實。
今年涉及強姦被捕嘅流量藝人吳亦凡、2018年逃稅嘅范冰冰、今年被判逃稅兼捲入代孕風波嘅鄭爽、曾涉不良嗜好而被捕嘅柯震東等藝人都被分喺第二類「違法亂紀」。最後一項就係「失德失範」，包括去年被周揚青毀滅性爆料嘅羅志祥、被爆婚外情嘅金馬影后李小璐、文章、吳秀波等藝人，而張丹峰亦因「失德失範」，竟被列入名單之上，不過此名單未獲證實。
柯震東都有份。
羅志祥就被分為「失德失範」。
網上流傳名單，但未知真偽。
