同《聲夢》學員再聚!泳兒搵林君蓮冼靖峰玩Crossover

2021年10月09日 19:01
東網電視
更多新聞短片
無綫音樂選秀節目《聲夢傳奇》雖然已經圓滿結束,身為導師之一的泳兒(Vincy)依然不時跟學員們在音樂上交流。日前,Vincy舉行她首場Live騷,請得學員林君蓮(Kaitlyn)及冼靖峰(Archie)任嘉賓,三人Crossover唱出多首歌曲。
網民大讚有新鮮感
Live甫開始,Vincy便唱出其暗黑系列第一章節的第一首歌《野木蘭》,接着便與Kaitlyn合唱《所有遺失的東西》、Archie亦跟Vincy合唱重新編曲的《荊棘海》。唱完後,Vincy即表示《荊棘海》很適合Archie,Archie亦自言很喜歡演繹一些玩味重的歌曲。
Archie說:「其實一開始我係好驚,因為今次係完咗比賽同演唱會後,我哋第一次嘅合作。」而Kaitlyn則謂明白Vincy揀選《所有遺失的東西》給她唱的原因:「啲歌詞好有意思,我都好鍾意。」演唱期間,不少網民都話這個配搭十分新鮮「超正!」、「高水準!」、「《荊棘海》合唱版超級爆炸、愈聽愈好聽!」
問到找Kaitlyn及Archie任嘉賓原因,Vincy直言十分欣賞二人:「首先我覺得佢哋唱得好好,Archie好多曲風都Carry得到,所以今次除咗佢自己揀咗啲歌,都會揀我自己一啲暗黑系列嘅歌畀佢唱。Kaitlyn都係啦,雖然我哋之前唔係同一個Team,但係都有接觸,有大家一齊夾過,都覺得大家喺音樂或衣着品味都有啲相同,所以今次Live就邀請咗佢哋。」
Vincy續說:「我欣賞Archie好勤力、聰明,同埋佢都好願意挑戰自己、嘗試唔同嘅嘢。譬如今次唱《荊棘海》,雖然一開始佢覺得隻歌係幾有難度,但佢都好願意去嘗試。Kaitlyn有把好好、好有個性嘅聲線,喺呢個樂壇裏面,係比較少出現有呢一種聲線嘅女歌手,所以希望佢可以好好再發掘呢把聲,點樣再去用到爐火純青,因為我覺得聲音係天生,冇得去改變,佢有一把得天獨厚嘅聲音,已經係邁向成功嘅一大步。」
生日點慶祝?
將於10月16日生日的Vincy,問到打算怎樣慶祝及生日願望是什麼,她說:「都係同屋企人食飯,中秋節嘅時候順便慶祝埋,亦都食咗我人生第一個嘅月餅蛋糕。我發覺原來屋企人都幾有創意,佢哋喺月餅上面唧滿晒Cream,然後再插蠟燭,外形係唔錯,但一食落去嗰個味道同口感好難形容,好複雜,我都係純粹意頭咬一啖,之後真係搞唔掂,哈哈。」不過她大嘆沒有影相紀念這個歷史性一刻:「因為換咗電話,我又唔識搞,電話入面資料冇晒。所以我今年其中一個生日願望,係希望有番電話嘅資料。」