魏如萱囝囝提早過萬聖節　爆冇腳女仔匿床下底

月底先係萬聖節，但係台灣金曲歌后魏如萱（娃娃）就率先出嚟嚇鬼人，佢喺社交網公開咗同囝囝嘅對話，結果有成2萬網民話畀佢哋嚇到毛管戙，究竟佢哋兩母子講咩話題會咁得人驚呢？<br/><br/>娃娃話有晚喺在半夢半醒時，阿仔就同佢講夢見個女仔，個女仔仲匿喺床下底同佢傾偈，由於囝囝喺學校都鍾意匿喺枱底度玩，所以娃娃冇乜反應，照樣瞌埋眼聽囝囝繼續講嘢，但當聽到囝囝話：「她沒有腳，她用游的，她頭髮很長」。娃娃聽完即刻成日個醒晒，就追問個仔：「她和你說甚麼？」，阿仔就細細聲同媽咪講個女仔要佢乖啲，仲話個女仔講完拜拜就離開咗，聽到呢度，嚇到打冷震嘅娃娃再問個仔係咪整蠱阿媽，定係真有其事。<br/><br/><br/><br/>啲網民睇完娃娃呢段靈異故事貼文後，就留言話就快畀佢嚇死，不過又有啲網民安慰娃娃，可能個女仔只係冇腳嘅美人魚，或者係床頭婆，係嚟保護佢個仔，叫佢唔使咁緊張。