東網電視
更多新聞短片
藝人黃日華於80年代係當紅小生，被稱為無綫五虎將之一，當年工作做唔停嘅佢，短短幾年已經上車成功，最近big big channel就上載1986年節目《K-100》探訪黃日華屋企嘅短片，原來當年已經好興去參觀明星屋企，黃日華於節目中透露當年買呢間屋企嘅原因，係因為喺TVB附近，方便返工，片段中可見佢家中有酒吧、大浴室等，相比起依家嘅納米屋已經算係豪宅，而佢都會將獎牌、獎座等，同劇迷送畀佢嘅禮物，放喺家中收藏！
黃日華工作咗幾年就成功上車。
舊屋內有酒吧。
陳年片段曝光。
而黃日華婚後女兒黃芷晴出世，覺得唔夠住，就搬入一間三層高嘅大屋，客廳設於二樓，有一張超巨型梳化，而一向唔介意人哋參觀佢屋企嘅佢，今次就邀請內地真人騷《女兒們的男朋友》參觀佢屋企，豪宅以白色為主，三樓廚房超大，設備一應俱全。
得過唔少獎。
前面冇遮冇擋。
劇照都有收藏。
而最勁嘅係屋企客廳玻璃櫃擺滿了一整面牆嘅模型玩具，全部都係黃日華親手砌成，而屋企某一個角落，就見到黃日華與亡妻梁潔華嘅合照，佢不時於此處懷念同亡妻相處點滴，可見佢絕對係情深好老公兼好爸爸。
現居新屋有3層樓言。
個玻璃櫃嚇親秦沛。
有一角落掛滿同亡妻合照。
狗都大過人。
超巨型廚房。
兩父女相依為命。
