東網電視
更多新聞短片

「教主」Anson Lo(盧瀚霆)今日(25日)驚爆發生交通意外,好彩人冇事,佢極速出Post同大家報平安,各位「神徒」唔使擔心。下午時分,佢再次拍片報平安,但佢竟然加埋流鼻血瀘鏡,唔睇真啲真係會嚇親,佢話:「實時Update狀況,大家放心,唔使擔心,我條腰唔係好大問題,最大問題都係個舊患,所以唔使擔心我,我OK嘅!」
另外,Anson Lo再次紅到去美國,粉絲為佢新歌《Megahit》大搞全球應援,喺美國紐約時代廣場3D曲面巨型LED屏幕落廣告,於美國時間10月25日至31日,每日24小時、每6分鐘播放一次《Megahit》,依家知佢咩料啦!而《Megahit》網上點擊次數已逾542萬,認真犀利!而加拿大都有粉絲召集神徒影張超級大合照,送畀Anson Lo,話畀佢知加拿大都有神徒!

啲鼻血假㗎,大家唔使擔心!

紅到去美國!

喺紐約時代廣場係咁播《Megahit》。

Anson Lo冇咩大礙,可以繼續做gym。