東網電視
更多新聞短片
「寰亞孻仔」ANSONBEAN邀請網紅麗英合唱及拍攝新歌《you made my day（with Lai Ying）》MV，雖然由早拍到晚，但未嫌攰且笑聲未停過，做盡所有少女幻想的拍拖場景，麗英還替他改暱稱：「佢好甜、好冧嗰陣，我就叫佢『ANSONSWEET』，孭住我跑完、熱到爆炸時就叫佢『ANSONBURN』。」ANSONBEAN表示從未被別人改暱稱，被逗得哭笑不得。麗英又說：「好開心，根本係我嘅自肥計劃，可以同靚仔合作，佢好Cute，今次係我拍過最Sweet嘅MV。」
ANSONBEAN感謝麗英與他合唱又跟他拍MV，陪他玩足一日：「好好玩，我哋整嘢食好好笑！」麗英坦言事前有擔心自己太率直和大膽而嚇親對方，但他強調：「冇呀，我冇事！」麗英立即爆料：「初見面時，我呃佢話我17歲，今年讀大學Year 1，叫佢師兄。後來話佢知我其實大過佢3歲，佢嚇到O咗嘴，好搞笑！」
拍攝期間，歌手馮允謙（Jay）突然出現，麗英衝口而出叫他「老細」，原來他客串MV飾演麗英的上司，而Jay笑言：「我有冇對白㗎？我中文唔叻喎！」身為《you made my day》的作曲人之一，Jay透露拍MV前，已率先聽過他們的合唱版，讚麗英聲線特別，與ANSONBEAN好夾。麗英卻扁嘴投訴：「首歌咁冧，要望住佢錄音，先可以唱出好甜嘅味道嘛，點解要分開錄？」Jay拉開話題安撫她說：「我有睇你嘅片同聽你唱歌，不如下次我哋一齊Jam歌。」麗英聞言立即興奮答應。
ANSONBEAN同網紅麗英合作愉快。
玩足一日！
孭起ANSONBEAN！
馮允謙客串演出。
