傳馬國明一早訂好婚戒 湯洛雯35歲前嫁硬?

2021年11月04日 12:03
東網電視
更多新聞短片
視帝馬國明同無綫花旦湯洛雯(靚湯)去年公開承認拍拖,一直盛傳二人好快會拉埋天窗,不過姑終都係只聞樓梯響,今日(4日)再有消息指馬國明連婚戒都一早訂製好,將會等埋二人嘅拍攝工作喺下個月拍攝完畢後,預計明年年初同靚湯拉埋天窗,仲話靚湯35歲前會正式成為「馬太」。
東網就傳聞訪問靚湯,佢就即刻否認馬國明送求婚戒,佢仲話男友呢排好忙,點會有時間。至於佢自己就一啲都唔心急嫁人,笑言多工作到根本冇可能結婚:「其實我真係一啲都唔急,其實做呢行都唔會特別心急結婚嘅,始終我覺得結婚一定要順其自然,兩個覺得適合嘅時候就會慢慢考慮嗰個階段。最近我哋真係比較忙,同埋嚟緊佢好似一次過疊兩套劇,所以話我哋出年結婚根本都冇乜可能。」靚湯續指希望可以好似普通人咁拍拖,叫外界畀空間:「其實喺感情上我哋兩個都係慢熱派,只想做普通情侶,不過希望大家畀啲空間我哋啦🙏🏻」
而馬國明就回覆東網:「咁好笑!係咪見我有劇幫我做宣傳?其實之前都講過晒,如果係我哋會講,大家唔需要猜測,當宣傳啦!記得睇我依家出緊街套劇啦!」