鄧紫棋「唱Hook」七情上面　網民批太誇張

歌手鄧紫棋（G.E.M.）為內地真人騷《拳力以赴的我們》擔任經理人，依家個節目煞科啦，佢旗下嘅拳手張倫碩同黃旭都取得唔錯成績，其中黃旭仲獲金腰帶，認真犀利！G.E.M.為咗報答佢哋，仲講得出做得到，為張倫碩同黃旭「唱Hook」（唱Hook係潮語，意思係唱副歌），佢邊彈琴邊唱黃旭嘅歌《天堂來信》副歌部分，睇到佢唱到七情上面，唱完之後仲雙手晒Ｖ，相當開心！<br/><br/><br/><br/><br/>但係由於佢唱歌嗰陣表情極度誇張，唱到咬牙切齒，唱高音時合埋眼，連眼耳口鼻都黐埋一舊，呢個崩潰慘情樣，有網民就唔多Buy「請控制一下你的表情」，嫌佢表情太過浮誇，加上本身首歌嘅歌詞都唔慘情歌，所以感覺佢好似過咗少少火位囉！雖然係咁，亦有網民都有力撐佢「閉眼唱歌更有韻味」，其實唱歌都係由心出發，唔知你又鍾唔鍾意佢呢次嘅演繹呢？<br/><br/><br/><br/>