收身成功！《東張》何沛珈Bra Top晒馬甲線

前港姐何沛珈（原名何孟珊）除咗主持無綫節目《東張西望》外，最近仲有份拍攝節目《醫醫，我不想再病了》而為人所熟悉，佢喺2020年選港姐嗰陣，因為Baby fat身材而不時被網民批評，最終佢五強止步未能打入三甲！

佢最近的起心肝進行「地獄式減肥」，不時去跑步同做Gym，佢話終極目標是減至110磅兼練出肌肉線條。近日佢喺社交網有晒收身成果，着上運動Bra Top嘅佢大晒纖腰，腹肌同馬甲線亦非常明顯，留言：「你教我做人要善良，做事要堅持。」睇到出佢真係堅持做運動，先可以操出美好身材！依家收身算係有啲成績，佢都畀自己鬆一鬆去咗High Tea，着小背心上陣大晒線頭，仲開心到晒V添！