東網電視
更多新聞短片
歌手許廷鏗（Alfred）和練美娟出席活動，講到近期頻頻接Job，Alfred笑言不是豬籠入水：「但係入行最忙嘅一年，多謝客戶支持。（你有冇試過帶貨？）都有，之前有個Collection都賣斷市。（有冇試過帶貨時講錯銀碼？）又冇試過，未試過要講銀碼。」練美娟問Alfred洗牙呢？他表示洗牙不講價錢，練美娟笑對方是海鮮價。Alfred笑練美娟飲醉「斷片」：「有次撞到佢，佢有啲醉，問我上唔上佢節目，但佢唔記得請過我啦，不過我酒量淺，都係唔上去好啲，因為我驚會爆我啲閨蜜鄭欣宜、林欣彤嘅秘密。」
同樣密密做的練美娟，多謝客戶支持，現時日日有工開，問到可想賺多些錢買樓？她說：「我唔做業主，我咁愛自由奔放，鍾意新鮮感，唔會為一間屋停留，所以會租屋。（第時老公都唔可以留住你喺一間屋？）我係唔受拘束嘅人，要老公要霸氣過我先得，不過我都有好小鳥依人嘅一面，依家公開招親，希望聖誕節前可以搵到男朋友。」
許廷鏗同練美娟頻頻接Job！
許廷鏗爆練美娟飲醉唔記得嘢！
許廷鏗仲有做帶貨吸金。
練美娟唔想買樓做業主。
