东网电视
更多新闻短片
视频观看次数: 2.2k
歌手许廷铿（Alfred）和练美娟出席活动，讲到近期频频接Job，Alfred笑言不是猪笼入水：“但系入行最忙嘅一年，多谢客户支持。（你有冇试过带货？）都有，之前有个Collection都卖断市。（有冇试过带货时讲错银码？）又冇试过，未试过要讲银码。”练美娟问Alfred洗牙呢？他表示洗牙不讲价钱，练美娟笑对方是海鲜价。Alfred笑练美娟饮醉“断片”：“有次撞到佢，佢有啲醉，问我上唔上佢节目，但佢唔记得请过我啦，不过我酒量浅，都系唔上去好啲，因为我惊会爆我啲闺蜜郑欣宜、林欣彤嘅秘密。”
同样密密做的练美娟，多谢客户支持，现时日日有工开，问到可想赚多些钱买楼？她说：“我唔做业主，我咁爱自由奔放，锺意新鲜感，唔会为一间屋停留，所以会租屋。（第时老公都唔可以留住你喺一间屋？）我系唔受拘束嘅人，要老公要霸气过我先得，不过我都有好小鸟依人嘅一面，依家公开招亲，希望圣诞节前可以搵到男朋友。”
许廷铿同练美娟频频接Job！
许廷铿爆练美娟饮醉唔记得嘢！
许廷铿仲有做带货吸金。
练美娟唔想买楼做业主。
