東網電視
更多新聞短片
21歲嘅台灣女星歐陽娜娜挾「天才大提琴家」之名，加上樣靚身材正及青春無敵，喺內地發展半年就輕易搵逾8千萬人仔，早前更被發現喺北京睇豪宅，不過有名有利嘅背後，佢嘅無奈、辛酸又有幾多人會知呢？最近娜娜亮相一個內地節目《奇遇．人間角落》時，同班朋友覓找溫暖故事，唔知係咪觸景傷情，佢同同行嘅朋友話舅母喺台灣過身，但自己又冇辦法返台灣奔喪，所以覺得好內疚，所以個節目要佢寫低願望時，佢好喊住話希望喺天上嘅舅母能夠看到呢張願望紙，畀舅母知佢有幾想念佢。
忽然諗起過咗身嘅舅母。
歐陽娜娜都幾多愁善感。
除咗舅母令娜娜喊到變豬頭，另一個觸動佢淚腺嘅，就係佢一直都好少提起嘅家姐歐陽妮妮，佢話舅母離開人生後，佢姐姐妮妮就傳短訊佢，當睇到家姐留言好想佢時，佢啲眼淚未停過：「我姊她從來不會說她想我……」之後又忍唔住伏喺朋友個肩頭度，盡情發洩抑鬱嘅情緒，睇到啲粉絲都心痛埋。娜娜咁陰功豬，希望可以令佢笑嘅緋聞男友范丞丞快啲諗計氹番娜娜啦。
仲自爆同家姐感情其實唔係真係咁Close…
但係歐陽妮妮就成日提起阿妹。
