東網電視
更多新聞短片
閬㚚朌閫���𧢲活�彍: 2.1k
有「金牌經理人」之稱嘅霍汶希（Mani）係出名嘅美魔女，雖然已經49歲，但係佢個靚樣同身材依然Keep到，顏值一啲都唔輸畀一眾女星，完全係逆齡生長呀！佢不時都喺社交網平台分享保養美容心得，佢日前就試用咗條朋友送畀佢嘅「高科技圍巾」，話可以去皺紋，係咪真係咁神奇呀？
佢話將呢條圍巾戴喺條頸上面就可以去頸紋，而敷喺塊面上面3分鐘就可以有緊緻效果，淡化法令紋，仲有消水腫功效添！佢親自做埋實測話感覺唔錯，仲話好似周星馳喺電影《唐伯虎點秋香》入面出「還原靚靚拳」一樣咁神奇，仲幫條巾改名做「還原靚靚巾」呀！
但係其實睇到佢敷完條巾之後，出嚟個效果都係差唔多咋喎，唔覺有咩分別囉，不過佢都有澄清話自己唔係代理，佢只係隨便試吓個效果，叫大家唔好相信呀！而網民當然唔多相信佢呢條「還原靚靚巾」啦，覺得同普通圍巾係冇咩分別囉，而有網民就擔心Mani係咪畀人呃呢？仲質疑呢個世界邊有咁易變靚嘅方法呀！
霍汶希出名嘅美魔女。
霍汶希話用「高科技圍巾」可以皺紋。
霍汶希覺得效果唔錯添！
霍汶希仲話可以出「還原靚靚拳」一樣。
真係咁神奇！
