孫慧雪預告出年曆　自嘲心口兩舊肉上咗塊面

藝人孫慧雪與陳嘉倩今日（1日）出席公開活動，原來二人有共同朋友，但至今才首次見真身，還互笠高帽讚對方靚女。即將推出年曆的雪雪，透露近兩年也有出版商邀請她，思前想後下終答應：「我覺得個身形，下年應該唔係好Keep到，抱住唔好後悔心態下，惟有今年出咗佢，到時會有12個造型，唔會好性感，嗰兩口舊肉已經推咗上去塊面度。（老公唔畀性感？）佢問我係咪真係出，都呢個年紀喎！（會有泳裝？）未知，大家到時買嚟睇吓囉！」<br/><br/><br/><br/><br/>而嘉倩則表示沒有打算出年曆：「我對自己身材唔滿意。（阿雪爆你成日喺社交網派福利！）都係擺生活照啫！」談到聖誕節，她透露將於工作中渡過，慨嘆去年受疫情影響工作減少七八成，慶幸今年逐步回復正常；阿雪就笑指近日接了兩個代言工作，收入尚算滿意，故老公一早落定Order聖誕節要陪兒子，所以預告屆時暫停工作。