鄧紫棋用紅蘿蔔彈《滄海一聲笑》　分享愛情觀惹爆笑

歌手鄧紫棋（G.E.M.）為內地真人騷節目《點讚！達人秀》擔任評判，出名琴技了得嘅佢，呢次睇到有參賽者竟然用紅蘿蔔整咗個彈嚟彈，佢當然都覺得好神奇，仲好技癢話要上台玩吓呢個咁特別嘅琴添！睇到佢試咗一輪音之後，就可以好輕鬆咁彈到首《滄海一聲笑》出嚟，認真犀利，全場觀眾都睇到拍晒手！

而喺節目中身為物理課代表嘅佢，仲拋出物理學家牛頓嘅第三運動定律，作用力同反作用力係相對嘅關係，嚟講浪漫愛情觀話：「我想念你的時候，你也肯定在想我！」佢講完連自己都忍唔住爆笑呀，但係都有網民話幾Buy佢呢套理論，覺得真係夠晒浪漫呀！