張艾嘉獲頒榮譽博士 張國榮摯愛唐唐到賀

20211209
東網電視
更多新聞短片
藝人張艾嘉今日(9日)到嶺南大學出席「榮譽博士學位頒授典禮」並獲頒人文學博士,表揚她在其專業領域的卓越成就及對社會的貢獻,她受訪時表示:「好興奮,始終自己冇讀過大學,只係好努力咁工作咗50年,一路以嚟社會嘅大環境就係我嘅大學。自己要做嘅嘢仲未做完,以前係學習,依家除咗學習之餘,都想留低啲好嘅嘢畀下一代。」
張艾嘉有不少朋友前來到賀,包括施南生、已故巨星張國榮的摯愛唐鶴德(唐唐),唐唐更是少有露面。講到唐唐,她說:「我哋都係好朋友,電影就係咁特別,尤其大家係冇利益關係,更加可以做到好Close嘅朋友,我哋成日都一齊。」
她最近與林青霞等人聚會,悼念因肺癌離世的友人石天,她說:「其實我哋耐唔耐都會見面,新藝城呢種團結精神係好少見,大家感情好深厚,尤其係石天,當初如果唔係佢叫我返嚟做差婆。(在電影《最佳拍檔》中的角色),我都冇機會發展到香港嘅市場,所以對佢係特別有感情,佢走咗真係好唔捨得。」