睇唔過眼華語樂壇不成氣候？鄧紫棋預告閉關做碟

主力內地發展嘅「宇宙巨肺」鄧紫棋（G.E.M.），今年音樂上放慢步伐，只推出兩首新歌，包括《超能力》及《兩個你》國粵版本，不過呢日佢就突然喺社交網發文，宣布不但仲有一首年尾壓軸之作面世，更即將全面閉關，明年帶住全新專輯回歸：「別急，我明年會發專輯。而且我最近在半閉關，因為12月我還有一首單曲。然後，完成手頭已答應的工作之後我會進入全閉關狀態，但我會帶著新專輯回來。 ​​​​」

消息即時引起網民熱議，巧合地昨日（11日）有音樂平台舉行年度盛典發布10大熱門歌曲，卻被狠批全都係一式一樣嘅網紅歌曲，今日G.E.M.就發文，即時引起網民聯想，笑指：「鄧紫棋看了華語樂壇的熱搜後發表重要講話」。