東網電視
更多新聞短片
歌手泳兒今日（13日）出席綠色音樂會暨「摘星決戰」啟動典禮，並即席獻唱，惟期間音響出現少問題，不過泳兒處變不驚，繼續完成演出，事後表示過往演出經常遇到大大小小問題，但抱住「The Show Must Go On」心態，即使清唱也要唱下去：「試過唱到一半冇音樂，當時喺外地做騷，最終要清場，又試過樂隊彈彈吓彈咗另一首歌，我覺得唔對路，所以就堅持想番我嘅版本。雖然都係自己第二首歌，但我唔知邊一個切入位，所以就扮冇嘢繼續唱，所以已經身經百戰。」
泳兒「執生」冇難度。
忙於準備新專輯的她，表示即將拍攝唱片封套，稍後更會舉行網上音樂直播，除夕也有倒數活動，工作相當充實。談到容祖兒、Twins等也先後到內地發展，問到她可有興趣跟隨？泳兒坦言有機會也想嘗試：「因為隔離問題要長期留喺內地，其實大家都好想返香港陪家人嘅，公司係有同我計劃一啲內地工作，不過搞好自己香港嘅工作先。依家諗緊新一年轉吓形象，想試吓跳唱，唔係一直企喺度唱歌。」
希望跟容祖兒及Twins北上搵人仔。
