甄子丹唔擔心18歲女兒多人追：啲男仔唔使打贏我！

「宇宙最強」甄子丹及太太汪詩詩今日（20日）出席舞會，同場還有性感低胸上陣的麥明詩、陳逸璇、Amanda S.等。講到之前跟太太一齊去室內競技場玩，子丹還被太太打贏，詩詩笑言：「我呢排操Fit，其實我出茅招。」子丹笑言冇讓太太，又大讚太太好Fit，爬高爬低都難不到她。問到可會想兩公婆一起拍打戲？子丹笑言：「咁咪好冇面？我唔可以打佢，但估唔到佢愈嚟愈好身手。」詩詩亦對拍打戲耍手擰頭笑言：「唔好，我幕後訓練佢。」<br/><br/>講到聖誕節，太太表示婆婆來港，會四代同堂慶祝，十分熱鬧，其中表妹湛琪清剛生了BB，買了BB衫送給對方。子丹即慨嘆：「我都好懷念呢啲時候，我個女下個月就18歲，已經高過我，個仔就14歲，同我一樣高，好懷念佢哋BB嗰陣。」問到擔心囡囡又靚又高好多男仔追？他說：「係自然定律，有男仔追先自然，冇先驚。（啲男仔使唔使打贏你先得？）又唔使，有好多唔同能力。」<br/><br/><br/><br/><br/><br/>