陳嘉慧獻「處女吻」　胡鴻鈞反問：我好唔好咀？

藝人胡鴻鈞、陳嘉慧、馬貫東及麥美恩等今日（23日）在荃灣出席劇集《愛上我的衰神》之「幸運之神的降臨」宣傳活動，首次做「女一」的陳嘉慧透露也有點壓力，壓力來自希望表現不要讓人失望。嘉慧又爆拍攝時不斷被胡鴻鈞整蠱，她笑說：「自己第一次螢幕初吻畀咗佢，拍之前好緊張，但係都多得佢一個爛gag緩和咗緊張氣氛，錫完之後佢問我好唔好錫、佢個嘴舒唔舒服，其實冇乜印象，因為嗰日都拍到凌晨四點，淨係記得大家都食香口膠防止有口臭。」

胡鴻鈞解釋整蠱對方只是希望緩和氣氛：「我都好少拍呢啲親熱戲，所以都係搞吓笑，緩和吓氣氛。」他又讚對方勤力，短時間內看見她的進步，特別是處理喊戲，嘉慧則說：「自己唔容易喊，要靠佢畀個感覺我。」胡鴻鈞被問到在《十月初五的月光》首次做女一的何依婷與陳嘉慧那個表現較好？他笑說：「兩個都咁好，佢就內斂啲，何依婷就活潑啲陽光啲，監製揀佢都係貪圖佢嘅美色，話有日本美少女，甜心感覺。」嘉慧則笑說：「可能自己喺日本長大有關，拍劇嘅時候，佢都有叫我教佢日文。」