東網電視
更多新聞短片
藝人陳嘉慧與胡鴻鈞孭飛的無綫新劇《愛上我的衰神》正在熱播，近日劇情講到二人一吻定情，但接吻中途卻令陳嘉慧「記憶回歸」，想起自己當年如何慘死，該幕吻戲惹來網民熱議，嘉慧粉絲直指吻戲時間過長，促請胡鴻鈞「放開那女孩」，但另方面亦有讚他們勁有CP感！
吳珮如令網民睇到好激心。
表情完全演到衰女人嗰種感覺。
網民勁鬧乞人僧。
演親人去世一幕時，吳珮如演技大爆發。
除了兩位主角令觀眾睇得肉緊，飾演胡鴻鈞家姐的吳珮如卻令網民甚為激心，紛紛留言鬧爆她，指她戲內戲外均十分好戲，對於被網民鬧爆，吳珮如受訪時坦言初看劇本時亦覺得角色好衰：「我當時都諗，呢個女人咁衰，咁樣對自己屋企人？但睇落去就會發現佢都係無可奈何嘅。」更指拍攝崩潰爆喊送別嫲嫲戲份後大感滿足：「我一直好想拍講述親人離世嘅戲，因為想睇吓演唔演繹到嗰種揪心嘅感覺。其實我平時都有練習「喊功」，練唔同場合唔同程度嘅喊戲，親人離世、戀人分手、事業失意嘅喊戲全部都唔一樣，會睇好多好嘅劇同戲，想像自己係個角色，然後講對白。」
但網民都理解點解吳珮如會變成咁。
陳嘉慧同胡鴻鈞CP感十足。
陳嘉慧粉絲不滿吻戲過長。
