莊思敏宣布改名莊鍶敏 加「金」轉運

20220111
東網電視
更多新聞短片
藝人莊鍶敏(前名莊思敏)喺社交網度用大聲公話「有事宣布」,不過喺2020年結婚嘅佢唔係報喜話有「牛B」,而係向全世界公布佢已經改名。佢喺社交網條片度話,最近有人發覺佢幾個社交平台個名唔同咗,初時啲朋友好驚咁打畀佢,以為佢個平台畀被黑客入侵咗,但其實只係場「美麗嘅誤會」,佢將個名原本個「思」字變成「鍶」嘅原因係:「我希望呢個新名,會為我帶嚟一啲轉變同突破,記得以後寫嘢畀我,用加咗『金』字部首嘅『鍶』字。」
東網透過電話訪問,問莊鍶敏加「金」字首部,係咪想搵多啲錢呢?佢就笑住話:「唔係,唔係,呢個『鍶』係想儲到錢同埋事業、健康好啲,婚姻都好啲囉。」不過佢個新名只係寫法唔同,但讀音係一樣,相信啲粉絲一定唔會覺得難記嘅。