冼靖峰「6條1」推處男單曲　化身外賣仔體驗貼地生活

「聲夢」冼靖峰（Archie）參加比賽時僅獲「梗頸四」，不過深信吸引力法則的他，認為只要保持正能量，及認真努力面對生活，總會有出頭天！經理人公司決定趁今日（11日）「天使數字」，即1月11日下午1時11分，為他推出「處男單飛歌曲」《一個人的幸運》，上架即獲不少粉絲關注。

MV內Archie化身搬運工及外賣仔等貼地基層，不過卻懂得放慢腳步留意身邊風景。談到今次拍攝，他說：「因為要喺果欄附近取景，嗰晚我凌晨兩點就開始化妝，拍足十幾小時，到翌日晚上先收工，不過好好玩，係次難忘嘅經驗。（最難忘係乜？）劇情交代我去幫人搬屋，有個小朋友畀爸爸逼佢丟啲舊玩具，佢放聲嚎哭，估唔到嗰位小女孩埋位喊到收唔到聲，真係好好戲。」

由於「1」字代表着開始、勇敢及相信，Archie希望憑此歌令每位支持者都向目標勇往直前：「幸運唔係必然嘅命運，你需要喺生活中找尋同體會，或者喺某個令人疲憊嘅時刻，幸運會悄悄撫着你嘅後背，帶你走向圓夢嘅終點。」