東網電視
更多新聞短片
台灣天王周杰倫（周董）向來走在潮流尖端，打扮具備時尚觸覺嘅佢更創立自己嘅潮牌，由服裝、波鞋以至藝術品都有涉獵，而早前佢撐好友推出嘅NFT，造勢加持，更掀起搶購熱潮。不過身為潮流達人嘅佢竟然都有對手，仲令到佢甘拜下風，講緊嗰個就係佢媽媽葉惠美啦！呢日佢喺社交網上載與周媽媽嘅合照，見周媽媽以全黑打扮示人，黑色帽配黑色西裝外套，中性造型相當型格，而且好有層次，唔會因同一色調而感覺單調，相反周董着上橙色虎紋外套，十足「跳跳虎」一樣，相比之下，時尚感略遜一籌，難怪周董都直呼：「我媽比我還潮怎麼回事」。
其實周媽媽並唔係第一次獲封「潮人」，之前佢公開穿搭照，就獲得網民一致好評，甚至令「周杰倫媽媽好會穿」嘅話題登上熱搜榜，真係有其母必有其子。
周杰倫同媽媽感情甚好。
周杰倫大讚媽媽比自己潮。
其實周媽媽唔係第一次獲讚穿搭出色。
身為潮牌創辦人嘅周董都甘拜下風。
